HIGH COURT CHIEF JUSTICE AJIT SINGH LUNGLEI-AH
Ni 22 Setember 2016 a Lunglei Judicial Office leh Quarters a thil duhawm lo tak thleng chung chang enfiah tura lo kal ,Chief Justice Gauhati High Cour, Pu Ajit Singha chu Oct.5.2016 zan khan Lunglei a lo thleng.
Mizoram Chief Minister Pu _’n Chief Justice of the Gauhati High Court hnenah hian lehkha thawnin Lungleia Judge 3 te chu an awmna Lunglei courta dah leh vat tura a hriattirna chu Chief Justice of the Gauhati High Court Ajit Singha chuan ngun taka thil thleng a chhui hnu-ah hma a lak nghal tur thu a lo hriattir tawh bawk a ni.
Hetihlai hian JAC zohnuai-in ngaihdam an dilna chu MBA, Sub Hqrs,Lunglei General Meeting nimin piaha neih chuan a ngaihtuah a, Zohnuai JAC ngaihdam dilna chu lungrual takin an pawm a, Affidavit leh documents dang Advocate ho inrawlhna chi ren reng siam loh ti se, tia MBA Sub Hqrs-in a lo rel tawh pawh sut leh nghal a ni ta a ni.
Chief Justice Pu Ajit Singha chuan Mizoram Chief minister Pu _ emaw, Home minister Pu _ emaw hmuh a tum leh tum loh a la sawi chiang thei lo a ni.
1956 kuma piang Chief Justice Shri Ajit Singh hi 1979 kum khan Jabalpur, High Court of Madhya Pradesh-ah ukil hna a thawk tan a, April 1, 2002 khan Additional Judge of the High Court of Madhya Pradesh atan ruat a ni a, March 21, 2003 khan Additional Judge of the High Court of Madhya Pradesh leh Permanent Judge atan nemngheh a niin March 19th, 2015 khan Judge, Rajasthan High Court-ah sawn a ni a, March 5, 2016 khan Chief Justice of the Gauhati High Court atan ruat a lo ni ta a ni.
